فى حضن ارضك اتولدت ... ومن نيـــــلك يابلـــدى شربـــت
من نبـــع خيـــرك اكلــت ... واطيب ولادك صاحبت وعرفت
فى مدارس بلدى اتعلمـت ... وتاريخــــــها كلـــه حفظــــــت
من مينــــا موحد القطرين ... لســـــــــــــــــــينـا وحرب 73
لما بقينا احرار ســـالمـين ... وعلم بلدنا على ســــــينا رافعين
وادينى دلوقتـــــــى كبرت ... وعينـــــــــى عالدنيا فتحـــــت
كنت فاكر انك يابلدى عمار ... كنت فاكر ان احنا بقينا احرار
مفيش احتلال ... مفيش استعمار
لكن بلـــــــــــــدى بتنهار ... فى كل ليل وكل نهـــــــــــــــار
وبقيت خايف انام فى يوم ... اصحى ملاقيش النهـــــــــــــــار
قاعدين بنقول حضـــارة ... شوية مبانى مصنوعة من حجـارة
اه تاريــــــــــخ عظيــــــم .. وحضـــــــــارة ملهاش مثيــــل
لكن عمـــرنا ما بنينا عمارة
العمارة مش بيت بدورين ... العمــــــــارة تقدم فى مياديــــن
ميــــــدان العلم والعمل ... ومن فينا عنده امـــــــــــــــــل ؟؟
دى نـــــاس فاعدة بتردد ... الخطر من حوالينــــــــــــا بيهدد
واهــــى نـاس بتقول الحق ... قالـــــــــــــت للظلــــــــــم لا
نــاس فـــــاقت وعن الظلـــــم بتتمرد
وكــلنـا من غيـــــر تفكيـر ... كـــــــــلنا من غير تفســـــــير
بنحلم بشـــــــــمس جديدة ... بنـــــــــــــــــحلـــم بالتغــيـيـر
وبـرغــم حزنــــى وهمــى ... وبــرغم كـــــل المآســــــــي
هتفضـــــلــــي حتة منــي ... وعمـــــرى ماهبقى ناســــــي
ان انتــــى يامـــصر امى ... وتـــــــــــــــاج فوق راســــى
كـلـمـــة شــايلها فى قلبى ... ليكــى يامــــــصــــر عــنـدى
بـــحـــبـــك يابـــلـــدى
ليست هناك تعليقات:
إرسال تعليق